Queen of Elfan's Nourice

I heard a cow low and a bonnie cow low
An' a cow low down in yon glen
Lang, lang will my young son greet
Or his mither bid him come ben

I heard a cow low, a bonnie cow low
An' a cow low down in yon fald
Lang, lang will my young son greet
Or his mither take him frae cauld

Waken, Queen of Elfan,
An' hear your Nourice moan
O moan ye for your meat,
Or moan ye for your fee
Or moan ye for the ither bounties
That ladies are wont to gie
I moan na for my meat,
Nor yet for my fee,
But I moan for Christened land,
It's there I fain would be

O nurse my bairn, Nourice, she says,
Till he stan' at your knee,
An' ye's win hame to Christen land,
Whar fain it's ye wad be

O keep my bairn, Nourice,
Till he gang by the hauld,
An' ye's win hame to your young son
Ye left in four nights auld
O Nourice, lay your head
Upo' my knee;
See ye na that narrow road
Up by yon tree?

That's the road the righteous goes,
And that's the road to heaven
An' see ye na that braid road
Down by yon sunny fell ?
Yon's the road the wicked gae,
An' that's the road to hell

Child #40
Printed in Bronson
@myth @mother
filename[ ELFANURS
playexe ELFANURS
SF
===DOCUMENT BOUNDARY