Rähnboorebunt
makellos schön

wieße Jewänder met ruut
jold un gröön

Schloofzemmerbleck
Kussmund en Matt

su stundste verstöbb met Heimatfilm-Bart
om Fluhtmaat
zwesche Tasse un Vase

Ich daach ahn Wunde un Träne
ahn Essig em Schwamm

ahn'e Krüzz övver'm Koppengk
Eva met Schlang

ahn dä Horror vür'm Bichte
ahn't sechste Jebot

Dohnekrohn
Luzifer
Inquisition
Kozzschlääsch vum Weihrauch beim GHuhamp em Dom
En dingem Name kammer hexe verbrenne

un mer kann Schweine-Partei noh dir benenne

noh dir benenne

Et jitt dich uss Sandstein
uss Porzellan

uss Plastik un Marmor
jestanz en Metall

op Flagge jesteck
jeschnitz un graviert

Söldner un Hure em Suff tätowiert

op Leinwand jemohlt
uss silver un Jold
Jröss mir die Frau
die dich als Jungfrau jeboore;
Jipsmann
zo der däät ich dich jähn ens jet froore

jähns ens jet froore