Begirlich in dem Herzen min
Mit rechter Lieb in Stetikeit
Hab ich gedacht din eigen zu sin
Das weistu nit das ist mir leit
Doch mus ich also liden mich
Biss das ich inne bringe dich
Das als min hoffen an dir lit

Ich wolt du wisseest min begir
Wie gar senlich verlanget mir
Min eigen hertz erkennen git

Nun froewst Du mich und weist das nit
Davon muos ich belangen han
Von senen mir min hertz zerbricht
Solt ich dich das nit wissen lan
So will ich unmuot mir gesellen
Und all min froed in truren stellen
Biss glick mir bringet gnaden zit

Ich wolt du wissen min begir
Wie gar senlich verlanget mir
Min eigen hertz erkennen git

Ob es min glueck fuegen moeht
Das jr von mir moecht werden kunnt
Wie gar besunder usserwelt
Hab ich dich in mins hertzen grunt
So wer mir heilis gar vil beschert
Und mich von unmuoz gar ernert
Unmuot woent mir verr und wit

Ich wollt du wissest min begir
Wie gar senlich verlanget mir
Min eigen hertz erkennen git